Ik weer noch nienich in New York

 

Un na de Abendbrot dor seer he, ik bruk noch Zigaretten ut de Automat,

se prahle noch, vergitt de Slötel nich, sunst steihst alleen du buten op de Straat,

He makt’ de Dör to, un ohne Wör geiht he in’t Treppenhuus,

he röökt de Bohnerwass , dat Kind dat schriet.

Un op de Trepp, dor denkt he, wat wenn ik nu op Reisen weer,

ik müss eenfach gahn för lange Tiet, för lange Tiet.

 

Ik weer noch nienich in New York, ik weer noch nienich op Hawai,

gung nie dör San Franzisko mit een tweie Büx.

Ik weer noch nienich in New York, ik weer noch nienich richtig frie,

eenmol verrückt sien, un weg vun all de Plackerie.

 

Un as he buten dör de Straaten geiht, dor fallt em in, ik heff allens wat ik bruk,

de Pass, de Eurochecks un’ beten Geld, dor geiht vunabend noch een Fleger rut.

He kunn een Taxi nehmen, dor an’t Eck, oder Dumen hoch un denn man weg.

Dat Lengen kümmt nu düchtig wedder hoch.

Noch eenmol sien Droom utleven, un allns wat inengt opgeven.  

He  denkt ümmer un ümmer an’t Afhaun - ümmer an’t Afhaun. 

 

Ik weer noch nienich in New York, ik weer noch nienich op Hawai,

gung nie dör San Franzisko mit een tweie Büx.

Ik weer noch nienich in New York, ik weer noch nienich richtig frie,

eenmol verrückt sien, un weg vun all de Plackerie.

 

Denn stickt he de Zigaretten in’e Tasch un geiht nahuus op sien Etaasch

Dör’t Treppenhuus mit Bohnerwass un Langewiel.

De Fru röppt, Mann wo blivvst du blots. Wetten das mit Markus Lanz, glieks geiht los.

 

Se fraagt, weer dor wat? Nee, wat schall schon wen.    

 

Ik weer noch nienich in New York, ik weer noch nienich op Hawai,

gung nie dör San Franzisko mit een tweie Büx.

Ik weer noch nienich in New York, ik weer noch nienich richtig frie,

eenmol verrückt sien, un weg vun all de Plackerie.

 

 

Text frei übertragen nach Original von Udo Jürgens: Ich war noch niemals in New York        

 

wieter>>>