Gah an de Tresen


Du büst doch mall,

schriffst plattdüütsche Geschichten!

Jo, man ik bruk een Infall,

denn heff ik wat to berichten.

Wokeen schall dat denn lesen?

Dat's mi egol, ik schrief för mi!

Ach wat, gah an de Tresen

denn geiht de Anfall gau vörbi!




Sett di inne Kroog


Du hest doch een an'e Pann,

Schriffst plattdütsche Gedichten!

Jo, dat gifft dor buten Lüüd noog,

de op mien Riemels luern.

Dor töv op, dat kann duern,

bit du ok blots een Leser finnst.

Du meenst, ik schall wat anners doon?

Jo, lees Böker, dor gifft dat schoon

noog un sett di inne Kroog,

denn denkt keeneen: Du spinnst

 

 

För'n Schosteen

 

Du büst doch nich klook!

Hest du noch nich noog?

Schriffst een plattdüütsch' Blog?

Plattdüütsch leest keeneen!

Doch! Fief Lüüd an Dag!

Fief? Dat ik nich lach!

Eenmol hem ok acht 

Lüüd hensehn, is dat för'n Schosteen?

 

 

Hier geiht dat na'n Blog>>>