De Fraag


He seet in'e Eck in gooter Roh

un smökt' sien Piep Tabak dor to;

de Katt sleep op sien Schoot,

'n Tüddelband mang de Poot'.


Dor heff ik Vadder fraagt,

- ik weer noch'n lütte Jung -

weerst du in'e Krieg in Noot?

Dor beet he sik ganz gehörig op de Tung

un sä:

De Helden sünd all doot.

De Katt sprung op de Deel!


Denn is he liesen opstahn.

Dor heff ik markt,

dat weer keen Klacks.

De Fraag, de harr em weh daan!

– De Katt is nich in Tüddel kaam'.



De Klaute Wöör komen ut de Leeder "De Groffschmitt" un "An de Eck steiht'n Jung mit'n Tüdelband".

 

<<<torügg